بحبك كده

بحبك كده
معنديش شهود إثبات
ولي دوافع مؤاكده
ولي انا
 محام فيلسوف
في بحرالهوي
اوضح للساده
واطلب لي البراءه
بدون كفاله
وبدون ضمان
ولي إعاده
وإخلاء سبيلي
والسماح لي بإزاعه الخبر
بجرنال اليوم
صفحه إلي حبيبي

انا بعلن علي الملاء
مخلفتي للدستور
وإشارات المرور
ولوايح منظمه اليونيسيكوا
ورفضي لهيمنه العولمه
بإني مسئول عن غياب دواوين
شعر الحب والحرب
في المكتبات وعلي الارصفه
وعجزميزانيه الفل والياسمين
والورد البلدي
في الجناين
ومحلات وسط البلد والانديه
وبإني معنديش فيزا كارت
ولي عندي سابق معرفه بمحلات الذهب والفضه
ولي بفهم في موديلات العربيات
ولي فساتين السهره
ولي اعرف اصحاب علي الشات
ولي عندي اعصاب لدلع البنات

عندي قلب عاشق الليل
 سفر وغربه
وحلم
       فجر
            شمس
 بيدحك
للورد محبه
دا كل اللي عندي ياحبيبتي
ابتسامه
بتغسل وشها نده
تقبليني كده

                              عبده عاشور

كيلاسيك

الوضع الحالي
كيلاسيك للغايه
وده كان ارجوز في حكايه
هدم كل البيوت
وسد الطرق خوف
واكل لحم الحلم البرئ
وكسر عظم الامل
وعمل
فروع الشجر القتيل
 نهايه

الارض بتردد صوت العيال عطش
والهويس بطل يقول شعر
وفؤاده
بتشق م الطرحه السوده
في ليل العتمه
طاقه صبر
وبتعلن رافضه المر
واللي امر
بإن الظالم لوبات مره في حضن المظلوم
يشهد عليه النهارإدانه

العروسه والفرس 

(عيني 

عيني علي الوله)
الفارس
وسط المولد مبقاش بشر
والشعرالحريرفي إديه حجر
وقصر الحب جواها ليه مباقاش
ليل وياعين
واُها في ربابايه


جبل الموت فاض صبره عليه
فعليه راح مايل 
واحنا محدش لسه 
قايل
جواز عتريس
من فؤاده باطل
وكتب الكتاب ده كان
علي لسان
 شاهدخان
شرع الصبايا

                             عبده عاشور

حدود

تغيب الشمس
وتنحني الورود
الخوف يرسم ملامحه
يكرمش دحكه
تايهه في سكه
مشقيانه احلام
ووعود

صوت الوجع
           وقع  
من علي طرف السان
نزف لحن الاسف
وحلم مطعون
وفي دمه سايح
لسه في صورتك
ياحبيبتي ملامح
 وفي صوتك
وطن
وحدود


                      عبده عاشور          

على العموم

على العموم
برغم الريح
وغضب الموج
والوضع العام
م الواضح محسوم
لاكن الحلم
جوايا
مصريعدي
النهر والبحر
والمحيط عوم
                   
                          عبده عاشور