مصر اللي اخدناها في المدرسه 
ناسها معروفه باخلقهم الكويسه
ديما صف واحد 
حمدين وشكرين الرب الواحد 
حتي لو الجوع ملي الارض 
والبيوت باتت مفلسه 
........................
مصر اللي اخدناها في المدرسه
كفاح شعب وشقا 
وكفوف متشققه 
طارحه ورق وصبر وشعر
بيحكي بطلات الدهر
ولما جات سيره النهر
قال ميكفناش وصف فيه نهار ولا مسا
...............................
مصر اللي اخدناها في المدرسه
هزيمه ونصر وكرامه
وجنود في رباط ليوم القيامه
وشعب فضل يموت
ولاان السكوت يحبس جواه روح الشهامه
لا معونه تلوي دراعها
ولاتسيب ضرس يدوس علي صبعها
وروحها تروح روحها
لو العدوا يفكر مره يبات جوه حدودها
تلقي الرجال كما الجبال
تقول الله اكبر
ترجم الشيطان الرجيم
والبنون تكبر
والحريم
من وراهم
تسهر تدعي قلوبهم المخلصه
.........................
مصر اللي اخدناها في المدرسه
وطن ما احلاه
تسمع عنه تقول الله
ولما نزلنا شارع الحياه
نشوف ازاي الضلمه خلوها نور
يومنا ضاع في اول اشاره مرور
ولاان الجوع في بلادي
قتله
السياسي ومعااه الاقتصادي
وباقي المؤسسه
رغيف العيش مستنيه بره قد جيش
مش واقف طابور
لاجرايد حطه النقط علي الحروف
ولا مفكر محايد قادر يشوف
ويقول كده علي المكشوف
كل كلامكم في مئتمراتكم عشان مش موزون
وقع من علي السطور
وفين مصر
وفين العدل الي بات منصور
وليه البرد مالي قلوب الناس
والظلم
جوه قصور محمي بحراس
انتي ايه حكايتك يا مصر م الاساس
ده المدرس عشان عرفنا بيكي
شلناه علي الراس
غلب وصف فيكي
في الدروس من النصوص
قال انك امان وامنه من اللصوص
وانتي متباعه فتتوكي فصوص
وسبوكي مهيسه
مصر اللي اخدناها في المدرسه
بنام من قلقي عليها بصحي انهج
مصر اللي شوفناها في الحقيقه
طلعت يامستر
غير اللي في المنهج

عرفوا الخريطه بكل مداخلها ومخارجها

عرفوا ايه داخلها وايه خارجها

وان حب الكراسي لحكمها

اهم من ان البلاد

تنجب ولاد

يرفعوا رايتها في وش كل اللي عايز يخترق سيادتها

...........................

حفظوا الدرس القديم

وان الحرب وجه لوجه قرار مش حكيم

وان احتلالهم

 بلادنا

من خلالنا

بارادتنا

فكرهم واستراتيجيتهم

مع ايدلوجيتنا

........................

نحارب بعض

موتي علي ايدك وانا علي دينك فرض

انا انسان

لاكن انتا ملكش اصل

بدون احراج

انا المؤالف والممثل والمنتج

ولاانك عاطل وانا المنتج

فانا مدير الاخراج

انتا خارج المشهد

قتيل الفصل

والنها رده يوم الفصل

انا بس صاحب الارض

والفكر

والطلب والعرض

وصاحب اللياقة

انا قادراما انتا ضعيف علي القيادة

وانتشرت بينا الفوضي الخلاقه

....................

الدم

بقي اضعف من سيجاره

قدام ولاعه

والاذاعه

تجاره للمالك

مش مهم اننا بكره مستقبلنا هالك

متهالك

الفتنه دورها

بيانات مكذوبه

عرفوا مكنها

حددوا اوانها

وعشان تتصدق الاكذوبه

سبونا نشد فتيلها

نتحرق بنارها

واكمننا مش فهمنها

ووخدنها

تموت تموت

روحنا فدي وطنها

من اجل الحريه

نهدم في البلاد كل قطعه في البنيه التحتيه

......................

ميادين بتهتف

ديني

ميادين ببتهتف

لا دينك

وميادين  بتخرف

وتحرف في دينه ودينك

وميادين لا دينوا ولا دينك

ولا كتاب سموي

ولا عصر فاطمي

 ولا عثماني

 ولا اموي

لا صلاح ولا اصلاح ولا كفاح

ولا ناصري

ولا عاصري

ولا نهج نبوي

وبقينا لو بقينا لسه

قعدين مختلفين

ليبراليه عشان تبقي الحياه اتيك اتيه

علمانيه عشان نوصل العالميه

وعشان تتحل القضيه

 وتمشي ب النيه  اعلنونها اسلاميه

وفي نهايه االمطاف

الكل خاين وعميل وخواف

مفيش بينا صقه

وقطعنا كل لاربطه

ورفعنا الاعلام دمويه

..........................

والحل

نحطوا التاريخ في برطمانات خل مغطيه

والحل

 عند الشعوب الغربيه

افتحوا لهم الباب

عشان حقن الدماء

والحفاظ علي الاوطان والانتماء

والدين

وعلي شعائر المسلمين

الغلابه الضعفا

المساكين

اللي ساكنين

وطن خريطه دم وسكاكين

وجوع من كتر الجوع

بيحصدوه من البيوت والفدادين

والخطب السياسيه

الخريطه ياياهود المناخ

مهيئ

والوقت ديق

قبل مايطلع ولد

يكون مصلي الفجر

 وركعتين شكر

وقاري سوره الكوثر

وباعلي صوت بعيد مداه 

قد اعزر من انزر

الحياه والموت

والارض والملكوت

لله